احاول ابتسم وانسى ولكن وش ينسيني؟؟

تصدق والا ما تصدق انا عاجز عن التفكير
تعال وشوف في عيني غيابك وش عمل فيني

حبيبي مابقى عندي صبر يتحمل التاخير
رحلت وعقبك الدنيا غلاها طاح من عيني

اجاوب اللي يسالني عن اخباري واقول بخير
وانا لاخير بغيابك ولاحاجه تهنيني

على طاريك كل لحظه ولااحتاج للتذكر
حريص القلب ماينسى عيونك لاتوصيني

محد يقدر يعوضني لانك في عيوني غير
ومهما شفت انا الفرحه بدون ما تسليني

وكيف الحال وشلوني جواب مايبي تفسير
بدونك انت ماتضحك حياتي وترمش سنيني

مثل شاعر عجز يوصف شعوره وخانه التعبير
انا ضايع ولاادري من فراقك انا ويني

مثل طير كسر بعدك جناحه وماقدرت اطير
احاول ابتسم وانسى ولكن وش ينسيني؟!

اشوفك في صباحي انت معنى ياصباح الخير
واشوفك في مسائي حلم وردي لا تصحيني

تصدق السهر يرسم عيوني ويتقن التصوير
ويشق النور في صفحه حياتي وماالاقيني

انام وشلون مشكلتي عجزت القى لها تدبير
طلبت النوم لحظاته وعيا النوم يعطيني

تغير وجهي من اول غيابك وابتدى التاثير
حبيبي من التعب كافي خذيت اللي يكفيني

يااغلى من رحل عني ياكل الحب والتقدير
تعاااااال ان كان لي عندك معزه وكان تغليني

تعال:ان كنت تعشقني واذا فعلا تبي لي الخير
تعال:ومد لي كف الوصل وامد كفيني

واذا كان الجفا واجب بدى من قلبي التقصير
ابيك الحين ترجع لي ولا ترجع تخليني

انا مااقول اللي صار فيني ماهقته يصير
لاني كنت (متأكد)بان البعد (ينهييني)

منقول